Wasiirka Arrimaha Gudaha, Federaalka & Dib u heshiisiinta Xukuumadda Soomaaliya Cali Yuusuf Cali Xoosh ayaa maanta xilka u kala wareejiyay Guddoomiyaha cusub Hay’adda Qaxootiga Qaranka & Barakacayaasha & guddoomiyhii Xilkaan laga qaaday.
Axmed Xuseen Cilmi ayaa xilka kala wareegay Safiya Xasan Maxamed oo xilkaan dhowaan laga qaaday, Wasiirka Arrimaha Gudaha, Federaalka iyo Dib u heshiisiinta XFS Cali Xoosh ayaa bogaadiyay Guddoomiyihii hore ee Hay’addaan.
Cali Xoosh ayaa Guddoomiye Axmed Xuseen faray in uu sii wado howlaha shaqo ee horyaalla si Hay’adda Qaxootiga Qaranka iyo Barakacayaasha ay wax uga qabato duruufihii loo aasaasay sida uu hadalka u dhigay.
Guddoomiyaha xilka la wareegay ee Axmed Xuseen Cilmi ayaa si kooban u sheegay in uu dardargelin doonno dedaalka lagu dhinac istaagayo dadka tabaabaleysan gaar ahaan Barakacayasha, Qaxootiga Dalka ku sugan & Dadka dib ugu soo laabtay Waddanka.