Madaxweynaha Soomaaliya, Xasan Sheekh Maxamuud, ayaa sameeyay isbeddel la xiriira hoggaanka ciidamada, kadib markii soo jeedin uga timid Wasiirka Wasaaradda Gaashaandhigga Soomaaliya.
Xeer Madaxweyne oo la soo saaray, waxaa lagu magacaabay S/Guuto Sahal Cabdullaahi Cumar inuu noqdo Taliyaha Ciidanka Dhulka ee CXDS, halka G/Dhexe Xassan Saalax Cabdi loo magacaabay Taliyaha Ciidanka Gaarka ah ee CXDS.
Madaxweyne Xasan Sheekh Maxamuud ayaa taliyashii hore ee ciidamadaasi uga mahadceliyay shaqadii wanaagsanayd ee ay soo qabteen, isagoo si gaar ah u bogaadiyay dadaalkooda iyo howlahooda.
Madaxweynuhu waxa uu sidoo kale dardaaran u diray taliyaasha cusub, isaga oo ku booriyay inay si buuxda uga shaqeeyaan waajibaadka loo idmaday, si loo dardargeliyo dagaalka ka dhanka ah Al-Shabaab (AS).