Madaxwaynaha Soomaaliya Xasan Shiikh Maxamuud iyo Wafdi uu hoggaaminaayo ayaa xalay ka degay Magaalada Ankara ee Dalka Turkiga, kadib casuumad rasmi ah oo uu ka helay dhiggiisa dalkaas Recep Tayyip Erdoฤan.
Madaxweynaha iyo wafdigiisa ayaa Ankara u tagay ka qeybgalka wareegga saddexaad ee wada halada u dhaxeeya Soomaaliya iyo Itoobiya.
Wafdiga Madaxweynaha waxaa si aad ah uga dhex muuqda Wasiirkiisi Gaashaandhiga Cabdulqaadir Maxamed Nuur, Taliyaha Nabad Sugida Sanbaloolshe, Raโiisul Wasaare kuxigeenki hore xildhibaan Mahdi Guuleed, Wasiirka Arrimaha Dibadda Axmed Macalin Fiqi.
Horey Dowladda Soomaaliya waxa ay u sheegtay inaysan wada hadal toos ah miiska la fadhiisan doonin Raโiisul Wasaaraha Itoobiya Abiy Axmed inta uu ka laabanayo heshiiskii ay Dowladda Itoobiya la gashay Somaliland iyo inay ixtiraamto ilaalinta madax-bannaanida, midnimada, iyo wadajirka dhuleed ee Soomaaliya.
Dowladda Federaalka Soomaaliya ayaa uga mahadcelisay dowladda iyo shacabka Turkiga dadaalkooda joogtada ah ee ku aaddan fududeynta wadahadalka iyo hoggaaminta geeddi-socodka lagu raadinayo xal waara oo laga gaaro arrintan.