Madaxweynaha Jamhuuriyadda Federaalka Soomaaliya Xasan Sheekh Maxamuud ayaa kulan gaar ah la qaatay saraakiil katirsan Ciidamada Dowladda, Odoyaal dhaqameed iyo Waxgaradka Gobolka Shabeelaha Dhexe Dowlad-Goboleedka Hir-Shabeelle.
Madaxweyne Xasan Sheekh ayaa dhinacyadaan kala hadlay dardargelina howlgallada ka dhanka ah ‘AS’ ee ka socda deegaannada iyo degmooyinka Gobolka Shabeelaha Dhexe oo maalmihii lasoo dhaafay uu ku sugan yahay.
Dr Xasan Sheekh Maxamuud ayaa qudhiisa la wadaagay qorshaha Dowladda ay ka leedahay deegaannada ay kasoo jeedaan xubnaha uu la kulmay si kaalintooda uga qaataan abaabulka Dowladdu dejisay ee Gobolkaas ka socda.
Odoyaasha dhaqanka & waxgaradka la kulmay Madaxweynaha Soomalaiya ayaa dhankooda ballanqaaday in ay kaalintooda ka qaadanayaan isla markaana ay diyaariyeen dhallinyarada deegaanka ee Macawiisleyda.
Gobolka Shabeelaha Dhexe oo maalmo kahor culeys ciidan ay ‘AS’ Saartay Waxaa hadda ka socda abaabul xooggan oo Ciidamada Federaalka iyo kuwa Deegaanka ay wadaan, waxaa ku sugan Madaxweynaha JFS Xasan Sheekh Maxamuud iyo saraakiil kale.