Madaxweynaha Puntland, Saciid Cabdullaahi Deni ayaa manta kulan gaar ah la qaatay Safiirka Dowladda Shiinaha ee Soomaaliya Amb. Wang Yu iyo wafdi uu hoggaaminayo.
Labada dhinac ayaa ka wada hadlay wada shaqeyntooda iyo taageerada Shiinaha siiyo Maamulka Puntland.
Sidoo kale, warar soo baxaya ayaa sheegaya in labada dhinac ay ka wada hadleen sidii loo soo badbaadin lahaa 18 shaqaale iyo Markab ay la socdeen oo laga afduubtay xeebaha degmada Xaafuun 27 bishii November ee sannadkii hore (2024).
Kooxaha burcadda ah ayaa dalbaday 10 Milyan oo dollar, si ay markabka u siiyaadaan.
Kulanka waxaa ka qeybgalay Wasiirka Wasaaradda Tamarta, Macdanta iyo Biyaha Liibaan Muuse Boqor iyo Wasiiru Dowlaha Madaxtooyada Cabdifataax Maxamed Cabdinuur.