Gen. Bashiir Maxamed Jaamac (Bashiir Goobe) oo xilal kala duwan soo qabtay isla markaana haatan ah Wasiiru Dowlaha Wasaaradda Howlaha guud ee Xukuumadda Federaalka Soomaaliya ayaa ku guuleystay Doorashada Kursiga HOP018.
Kursigaan oo kamid ahaa kuraasta ka ballaan Golaha Shacabka ayaa Deegaan-doorashadiisu tahay Dowlad-Goboleedka Galmudug waxaana maanta lagu qabtay Doorashadaan Magaalada Dhuusamareeb ee xarunta Dowlad-Goboleedkaas.
Kuraas badan oo kamid ah Golaha Shacabka Baarlamaanka Federaalka Soomaaliya ayaa bannaan waxaana Guddoonka Golahaas uu dhowaan sheegay in lasoo buuxin doonno laguna wargelin doonno beelaha leh & Dowlad-Goboleedyada Deegaan-doorashadoodu tahay.
Xildhibaanno geeriyooday, kuwo qabtay Xilalka haddii ay aqbalaan ay ku weynayaan xubinnimada Golaha Shacabka iyo kuwo kale oo gebi ahaan isaga tagay Siyaasadda ayaa kuraastooda bannaan waxaana la filayaa in la buuxiyo sida qorshuhu yahay.