Xildhibaanada Golaha Shacabka Soomaaliya ayaa maanta cod aqlabiyad ah ku ansixiyey in Soomaaliya ku biirto Ururka Dhaqaalaha Bulshadda Bariga Afrika.
Mudanayaasha Golaha Shacabka ee BJFS ayaa ansixiyay Heshiiska ku biirista Urur Goboleedka Dhaqaalaha Bariga Afrika, waxaana Haa ogolaatay 148-Xildhibaan hal Xildhibaan ayaa diiday Hal Xildhibaanna waa uu ka aamusay, sida uu ku dhawaaqay Guddoomiye ku xigeenka.
Sidoo kale Xildhibaannada Golaha Shacabka ee Baarlamaanka Soomaaliya ayaan ansixiyay Hindise-Sharciyeedka Ilaalinta Maareynta Deegaanka oo dib loogu soo celiyey Golaha Shacabka, Si loo waafajiyo Qodobka 82aad Fagradisa 4aad ee Dastuurka KMG.
Guddoomiye ku xigeenka labaad ee Golaha Shacabka oo kulanka shirguddoomiyey ayaa ku dhawaaqay Natiijada, waxa uu sheegay in Haa ku ogolaatay 150-Xildhibaan mana jirin Xildhibaano diiday ama ka aamusay. Hindise sharciyeedka ayaa waxaa golaha usoo gudbisay Wasaaradda Deegaanka iyo isbadalka Cimilada.