Golaha Wakiillada Dowlad-Goboleedka Galmudug ayaa maanta doortay Kursi ka bannaan Aqalka Sare Baarlamaanka 11aad ee JFS ee tirsigiisu yahay UH16 kaas oo ka geeriyooday Allaha u naxariistee Cabdi Cismaan Xareed.
Guddoonka Sare ee Aqalka Sare Baarlamaanka Jamhuuriyadda Federaalka Soomaaliya ayaa horraantii May sanadkaan waxa uu Dowlad-Goboleedka Galmudug ku wargeliyay in uu soo buuxiyo booskaan bannaan.
Codeynta Golaha Wakiillada Dowlad-Goboleedka Galmudug ayuu Cabdiweli Ibraahim Garyare ku helay 61 mudane sida uu sheegay shirguddoonka Golahaas oo ku dhawaaqay natiijada kasoo baxday codeyntaas.
Labada Aqal ee Baarlamaanka Jamhuuriyadda Federaalka Soomaaliya waxaa ka bannaan kuraas Xildhibaannadii qaar ku fadhiyay ay geeriyoodeen, kuwa iska casileen, halka qaar kale ay qabteen xilal ay ku weyn karaan xubinnimadooda Baarlamaanka.