Wasaaradda Arrimaha Gudaha, Federaalka & Dowladaha Hoose ee Dowlad-Goboleedka Puntland ayaa dib u dhigtay fadhiga Golayaasha Deegaanka ee bishaan Janaayo 2025 lagu waday in uu furmo sabab la xiriirta howlgallada ka socda Gobolka Bari.
Qoraalka Wasaaradda ayaa lagu sheegay in fadhiga uu furmi doonno Bisha Juun isla sanadkaan oo ah 5 bil kaddib, waxa ay ku baaqday in laga qaybgalo dagaalka ka dhanka ah Daacish iyo ‘AS’ sida ay hadalka u dhigtay.
Puntland ayaa ku dhawaaqday dagaal ka dhan ah Daacish & ‘AS’ kaas oo ka billowday Dhulka Beeraha waa weyn ee Gobolka Bari, saacadihii lasoo dhaafay waxaa dhacay dagaallo dhinacyadaan dhexmaray inkasta oo aan si rasmi ah loo faahfaahin khasaaraha ka dhashay.
