Madaxweynaha Dowladda Federaalka Soomaaliya, Xasan Shiikh Maxamuud ayaa gaarey magaalada Bujumbura ee dalka Burundi, halkaasi oo uu kulamo kula yeelan doono dhigiisa Évariste Ndayishimiye.
Madaxweynayaasha Soomaaliya iyo Burundi oo kulan gaar ah ku yeeshay Mataxtooyada Burundi ayaa ka wada hadlay xoojinta xiriirka iyo iskaashiga labada dal, gaar ahaan dagaalka ka dhanka ah Al-shabaab.
Dhinaca kale Madaxweynaha Burundi Évariste Ndayishimiye ayaa dowladda Soomaaliya ku ammaanay guulaha ay ka gaartay dagaalka AS, ku biirista Bulshada Bariga Afrika, Qaadista Cunaqabateynta iyo qodobo kale, isaga oo hoosta ka xariiqay in Soomaaliya ay garab siisay Burund xilli adag.
Madaxweyne Xasan Shiikh ayaa safar maalintii shalay ku tagey dalka Uganda, waxaana la filayaa in uu booqasho ku tago dalka Jabbuuti.