Xaflad Balaaran oo habeenkii xalay ka dhacday Madaxtooyada Puntland ee Magaalada Boosaaso oo ay ka soo qeybgaleen Masuliyiinta ugu sareysan Puntland Waxgarad,Aqoonyahan,Culimo iyo Dadweyne kale ayaa ahayd mid si weyn loo soo agaasimay.

Xaflada oo ugu horey lagu furay kalmad muxaaro iyo baraarujin iskugu jirta oo uu halkaas ka jeediyay Suldaan C/salaan ayaa waxaa uu si aad ah ugu nuuxnuuxsaday qiimaha Puntland ay u leedahay shacabka.

Suldaanka ayaa xusay in shacabka Puntland aysan u muuqan Qiimaha Dowladnimo iyo deganaasho leeyahay waxaa uu si gaar ah uga hadlay dilal iyo Falal amaanka lidi ku ah oo ka dhacay Magaalooyinka Boosaaso iyo Gaalkacyo isaga oo ku tilmaamay in dadka ficiladaas geysanaya ay doonayaan in Puntland ay dumiyaan.

Dhinaca kale suldaanka ayaa ugu baaqay Maamulka Haatan jira in looga baahan yahay inay dadka la tashadaan u turaan iyo arimo kale.

Xaflada waxaa lagu soo bandhigay ruwaayado iyo heeso wadani ah oo ay soo bandhigeen kooxda waaberi Puntland kuwaasi oo ka turjumaya xaalada haatan jirta ee dhinaca amaanka.

Intaasi ka dib xaflad Sadex sanno ka dib Doorashadii Madaxweyne Faroole ka hadlay qaar ka mid ah waxgaradka Puintland kuwaasi oo Maamulka waxaa lagu soo dhaweeyay Waxgaradka iyo Isimada Goobta joogay waxaana isimadii ka hadlay ka mid ahaa Ugaas Xasan Ugaas Yaasiin waxaana uu Ugaaska ku nuuxnuuxsaday in Xukuumada hada ay wax qabatay welina wax kale looga fadhiyo.

Masuuliyiinta xaflada ka hadlay oo aad u fara badnaa waxaa ay ku nuuxnuuxsadeen in si aad ah loogu baahan yahay in ka shaqeynta amaanka wax lagala qabto maamulka Haatan haya talada Maamulka Puntland

Xaflada waxaa hadalo kooban oo amaanka iyo waxqabadka Puntland ka soo jeediyay wasiirada Amniga Khaliif Ciise Mudan iyo Wasiirka Arimaha Gudaha ee Puntland C/laahi Axmed Jaamac kuwaasi oo sheegay in horumar dhinacyo badan leh laga gaaray Amaanka iyo Horumarka.

Ugu daneyn xaflada waxaa soo xiray Madaxweynaha Puntland oo qudbad dheer ka jeediyay xaflada xalay lagu qabtay Madaxtooyada Boosaaso oo lagu soo bandhigay waxqabadkii sannadkii tagey ee Mamulka haatan jira waxaana madaxweyna uu si weyn ugu nuuxnuuxsaday amanka iyo wax laga qabtay.

Docda kale waxaa uu madaxweynaha sheegay in meelo farabadan ay waxka qaban donaan oo ay ka mid yihiin deegaanada xeebaha ah ee ka baxsan Wadada laamiga iyo magaalooyinka waaweyn.

Xaflada waxaa ay ku soo dhamaatay jawi degan iyadoo dhamaan ka soo qeybgalayasha dhamaantood ay ahaayeen kuwo farxad ka muuqato
DAAWO SAWIRADA