Waxaa soo gaba gaboobay kulamadii Barnaamijka Kediska Bisha Barakeysan ee Ramadaan ee caawa kaas oo ay SBC international ku tar tansiiso xaafadaha Deegaanada Puntland.

Caawa waxaa qeybtii hore Fooda isku daray Tartanka xaafadaha kala ah Xaafada Ex Ridwaan Boosaaso Vs Xaafada Qoryacad Qardho,

Waxaa dhexmaray labadaasi xaafadood tartan aqooneed aad u xiisobadan, waxaana uu  ugu dambeyntii ku soo dhamaaday oo ayna guushu  raacday xaafada Qoryacad Qardho iyadoo la timi dhibco dhan 15, halka xaafada Ex Ridwaan Boosaaso , ay la timo 12 dhibic.

Tartanka Kediska SBC ay qabato Bisha ramadaan waxa uu noqday  mid siweyn ay u xiiseeyaan uguna xisaabtamaan dhageysigiisa dadweynaha Deegaanada Puntland, waxaana habeen walba ku kulma 4 xaafadood oo min labo u wada tartama iyagoo la weydiinayo Su’aalo noocwalba leh, waxayna u kala qaataan min 8 Su’aal, halkaas oo ay ka soo baxdo Natiijada Dhibcaha ah, iyadoona 1kii Su’aal ay tahay 2 Dhibic, Hadii ay tahay mid laga faa iideysanayo ama soo dhaaftay xaafadii laheyd ay noqoneyso 1 dhibic.

Waxaa sidoo kale caawa wada tartarmay labada xaafadood ee kale, oo kala ahaa xaafada Booxaaro Sheerbi Vs Xingood Qardho.

Labadaasi xaafadood ayaa soo bandhigay tartan xiiso leh, waxaana ugu dambeyntii tartankooda labadaasi xaafadood uu ku soo dhamaaday Guushuna ay raacday Xaafada Xingood oo la timid dhibco dhan 14 halka Ay Booxaaro la timi 10 Dhibic.

Waxaa tartankani uu u dambeeyay Caawa Wareega sedaxaad ee Dhibca tiriska is reeb reebka xaafadaha, Waxaana lagu dhawaaqi donaa Habeen dambe hadii uu alle idmo Dhibcaha Xaafada ah kala yeesheen iyo 12ka xaafadood ee ka soo baxay 24kii Xaafadood ee ka qeyb galay Tartankan.

Waxaa Xusid iyo Xusuusinba mudan in Barnaamijkan Tartan Aqooneedka ah ee ay SBC International Sanad walba Bisha Ramadaan u Qabato Xaafadaha Deegaanada Puntland ay si joogto ah Maalgelin ugu sameyso Shirkada Isgaarsiinta Geyigeena ee Golis Telecom Soomaalia, Golis Waa Wehelka Barnaamijka Kediska Ramadaanka SBC, Golis Hanoolaato!.

      Khaalid Cayuuni
     SBC International
khaalidcayuuni@gmail.com