Wararkii ugu dambeeyey Shirkii Dhaqanka & Bulshada Rayidka ee Istanbul+SAWIRO

Istanbul, May 29, 2012—- Shirkii odayaasha dhaqanka iyo ururada Bulshada Rayidka ah ayaa maanta maalintii labaad si habsami leh uga soconaya magaalada Istanbuul ee dalka Turkiga halkaasoo ay ku shirsan yihiin ku dhowaad 400 oo ergooyin kala matalaya qeybaha Bulshada Rayidka, Qurbejoogta, Odayaasha dhaqanka, Culimaa’udiinka, waxgaradka iyo dowladda KMG ah ee Soomaaliyeed.

Shirkan oo furmay 27-kii bishan ayaa waxaa looga hadlayaa aayaha dalka iyo dowladda oo wajaheysa marxalad kala guur ah waxaana odayaasha dhaqanka iyo bulshada rayidku ay si guud maalintii hore uga shireen xaaladda dalka iyo marxalada kala guurka ah, iyaga oo maantana saacadihii hore isugu yimid shir guud abaara duhuradiina loo kala qeybiyay afar qeybood oo kala ah.

 Kooxda koowaad;- Siyaasada guud ee dalka (Political)

 Kooxda labaad:- Arrimaha Bulshada (Civil Society)

 Kooxda Saddexaad:- Dib u soo celinta iyo hagaajinta Dhaqaalaha dalka (Economic Recovery)

 Kooxda Afaraad:- Ammaanka iyo xasilinta dalka (Security and Stabilization)

 Kooxahan ayaa waxa ay ku kala shirareen saacadihii ugu dambeeyey hoolal waaweyn oo loo diyaariyay

iyadoo doodo dhaadheer oo adadag ay dhex mareen, waxaana ugu dambeyntii lagu gabal dhacsaday iyada oo ay weli si habsami leh u soconayaan doodahaasi iyo fikir isu keenista qeybahaas aan kor ku soo xulnay.

Intii uu socday shirka guud ayaa waxaa khudbado ka jeediyay goobta xubno uu ka mid ahaa C/risaaq Xaaji Xuseen oo ah Ra’iisul Wasaarihii ugu horeeyey ee dalka Soomaaliya ayaa waxa uu ku booriyay qeybaha shirkan inay xooga saaraan natiijo wax ku ool ah oo lagu hago dalka, isaga oo fikirkiisana ka dhiibtay Qabyo qoraalka Dastuurka waxa uuna ku taliyay in la qaato Dastuurkii 1960-kii oo uu sheegay inuu yahay Dastuur afti dadweyne heysta isla markaana ka wanaagsan midka haatan la diyaariyay.

Qeybahan loo kala saaray ergooyinka ayaa waxaa dusha kala socday guddiyo Xiriiriyeyaal iyo Aqoonyahano ah (Experts), kuwaasoo isu duwi doona qaabka ugu haboon ee farsamo ahaan la isugu keeni doono fikirada iyo talooyinka odayaasha dhaqanka, Bulshada Rayidka ah iyo culimada, waxaana la filayaa in gabogabada shirka oo ku aadan bishan June 2-deeda in la hor geeyo shirka Caalamiga ah ee madaxda dowladda Federaalka KMG ah ee Soomaaliya, matalayaasha beesha Caalamka iyo dowladda martigelineysa shirka ee Turkigu ku yeelan doonaan isla magaaladan Istanbul.

Sido kale, maalinta berri ah ayaa la filayaa inay soo gaaraan magaalada Istanbul wefdi balaaran oo uu hogaaminayo Ra’iisul Wasaaraha Soomaali Dr. Cabdiweli Maxamed Cali kuwaasoo ka soo kicitimaya magaalada Nairobi ee dalka Kenya, waxaana la filayaa in maalinta ku xigta uu soo gaaro madaxweynaha Soomaaliya Mudane Sheekh Shariif Sheekh Axmed iyo wefdi kale oo uu hogaaminayo kuwaasoo isu diyaarinaya shirka June 3 ka furmaya Istanbul.

Dhinaca kale, Guddoomiyaha Baarlamaanka ayaa saaka u dhoofay magaalada Ankara ee caasimadda dalka Turkiga halkaasoo uu kula balansanaa guddoomiyaha Baarlamaanka ee dalka Turkiga iyaga oo ka wada hadli doona labada guddoomiye hagaajinta xiriirka labada dal iyo horumarinta Baarlamaanka Soomaaliya.

Ugu dambeyntiina, Warsaxaafadeed ay maanta soo saartay Wasaaradda Dastuurka iyo Arrimaha Federaalka ayay ku sheegtay inay ku faraxsantahay qabsoomida shirkan isla markaana ay ka rajeynayaan in matalayaasha Soomaalidu ay muujiyaan mas’uuliyad iyo taxadar dheeri ah si looga gudbo marxaladda kala guurka ah iyada oo la raacayo wadada jeexan ee uu tilmaamayo Roudmapka kaasoo lagu dhameynayo marxaladda kala guurka ah, iyo sidoo kale heshiisyadii Garowe1, Garowe2, Gaalkacyo Agreement, Shirka odayaasha ee weli soconaya iyo Addis ababa Comminique’. Waxayna dhanka kale u mahadcelisay dowladda Turkiga oo qabatay kulankan.

 

Garaad Salaad Xirsi
Istanbul, Ankara
garaadcadde@gmail.com

 

3 Responses to Wararkii ugu dambeeyey Shirkii Dhaqanka & Bulshada Rayidka ee Istanbul+SAWIRO

  1. Xirsi deni says:

    Marba haday tagayaan xubnaha shayaadiinu insiga ee shan wejiilayaasha ahi. Waa jugjug meeshaada joog.fashilin iyo jaajuusnimo ayey ujoogaan toban dawladood oo kala ujeeda ah ayaa soo dirsatay.dadka ma mu.miniintiibaa kadhamaatay miyaan laga helay mid labo sadex dhahda aynu diinteena dastuur kadhigano si loo wada midoobo.alshabaab.wax ka maqan maleh waxay rabaan dawla islaamiya quraanjadan munaafiqiinta ah ee lagu kiciyey ha laqeen candhuuftooda.alshabaabna haloogu yeero ka qaybgalka talada dadka iyo dalka.hadii dawlad islaamiya ladhiso ay diidaan haloo midoobo laakiin maanta wax calan tawxiidka ku qoranyahay sita diin baa naga maqan leh ayagaa la.arkaa.aniga xirsi deni ahaan waan taageersanahay bal yaan raacaa maqaarka malaswato makuwa mahiiga makuwa kuukaayada makuwa obaama makuwa ingriiska makuwa muzaveni ?waxay doonaan hadilaan alshabaab sayid maxamed alaha unaxariistee wuxuu yir bal car yaa soomaali xukumaan layn.nin layidhi waar cadawgeena ka har oo diinta islaamka nalaqaado isku xukunkeeda oo diiday dilkiisa waa mubaax allaah wuxuu yiri muminiinta cadawgayga iyo cadawgiina gargaarayaal haka dhiganina!

  2. SHAQALLE says:

    Shir maahan kani- waa xaaraan la soo hadeeyey. Waxaa soo diyaarsday AALA SHEEKH iyo HAWIYE ACTION GROUP.

    Wax ka khuseeya PUNTLAND inaba ha yaraatee ma jiraan.
    Go,aankii dowladda PUNTLAND iyo kii issimada ayaanu teegeersnahay!!!

  3. sida la sheegay oo ay dad badan oraahyo ka dhiibtayn aniga ka Nuuradiin Yuusuf xaaji Nuur waxaan u arkaa in mesha somaliya lagu kalo qaybsanaayo maxaa yeelay wax soomalinimo ah iigama muuqdaan cadow soomaliya waa odoyaasha isku sheegyada ama madaxdhaqmeedyada meesha laysku geeyey, su’aal ayaan idin waydiinaya intaas oo odoyaal soomaliya ma lahaan jirtay waa su’aal cidwalba ama qabiil walba oo soomaliya ka tirsan waxay yeelatay cuqaal kkkkkkkkkkkkkk waa arin lala yaabo war hedhe haynu kuligeen madaxwaynayaal isku soo taagno marka yaa damiir ah ayaa mesha ka jirta ilaa odoyaasha wixi gaara 70sano in qudha laga jaro ayey ku fiican yihiin maxaa yeelay dhalinyarada waxa qoryahay u dhiibaya waa ayaga waxa soomali isku dirayaa waaa ayaga marka waxan aamin sanahay in da’da aan so sheegay wixi gaarey in madax laga gooyo dabaded dhalinyaradu way heshiin lahaayen
    by: AVV: Nuuradiin Yuusuf Xaaji Nuur

Leave a Reply

Your email address will not be published. Required fields are marked *

You may use these HTML tags and attributes: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>

ARTICLE TOOLS
Share to Facebook Share to Twitter Email to friend Print