U diyaar garowga Doorashada Madaxweynaha Soomaaliya ayaa siweyn looga dareemayaa magaalada caasimada ah ee Muqdisho iyadoo ay soconayaan dhaq dhaqaaqyo kala duwan oo ay sameynayaan musjaraxiinta Xilka madaxweyne nimo.

Xubnaha baarlamanka Soomaaliya ayaa iyagu wada dhaq dhaqaaqa ugu balaaran iyo diyaarinta howsha maalinta beri lagu dooran doono madaxweyne cusub oo matala umada Soomaaliyeed 4ta sano ee soo socota.

Gudoonka sare ee Baarlamanka Soomaaliya ayaa ku dhawaqay Maalinnimadii shalay in Doorashada Madaxweyne ay beriyo oo isniin ah si rasmi ah uga dhici doonto gudaha magaalada Muqdisho iyagoona ugu baaqay xildhibaanada in la ilaaliyo waqtiga,

Cismaan libaax Afhayeenja gudiga doorashada madaxweynaha ayaa isaguna muujiyay diyaargarowga balaaran ee soconaya waxaana wareysi uu siiyay qalabka warbaahinta Soomaaliyeed uu tilmaamay in go’aanmadii gudiga ee ahaa xiliga doorashada ay dhaceyso sidii loogu talagay ay u fushay islamarkaana maalinta berito ah markii ugu horeysay gudaha dalka 40 sano ka dib lagu doorto madaxweyne cusub.

“Waa mid aan aad ugu faraxsannahay In doorasho madaxweyne nimo ka dib 40 iyo dhowr sano lagu qabtao gudaha dalka, waxayna u dhici doontaa sidii loogu talagay” ayaa ka mid ahaa hadalada Xildhibaan Cismaan Libaax.

Sikastaba ha ahaatee Maalinta berito ah waxaa siweyn indhaha loogu hayaa holka ay ka dheceyso doorashada ee Magaalada Muqdisho halkaas oo laga filayo ninkii ka soo bixi lahaa 24ta musharax ee u taagan xilka madaxweyne nimada Soomaliya.

SBC international Muqdisho