Madaxa Maxkamadaasi Danbiyada Dagaalka ee ICC Luis Moreno-Ocampo oo dhawaan tagay wadanka Liibiya ayaa ka hadlay Kulamo uu wadanka Liibiya kula qaateen qaar ka mid ah madaxda Wadankaasi Liibiya iyaga oo kala hadlayay Maxkamadeynta wiilka Hogaamiyihii hore ee wadanka Liibiya Saif al-Islam Gaddafi.

Mr. Ocampo waxaa uu sheegay in ay isku afgarteen madaxda Cusub ee Liibiya in Saif al-Islam lagu maxkamadeeyo Gudaha wadanka Liibiya isaga oo sidoo kale sheegay inay maxkaamdeynta ku lug yeelan doonan Maxkamadeyntiisa.

Luis Ocampo ayaa ka hadlay in sababta ay u yimaadeen wadanka liibiya ay ugu weyntahay inay goobjoog ka ahaadaan Maxkamadeynta Wiilka Qadaafi sida laga yeelayo isaga oo aan meesha ka saarin in wadanka liibiya uusan lahaynba dhamaanba sharciyada maxkamadaha ee lagu soo taaagi karo dadka gala danbiyada dagaalka.

Madaxda liibiya iyo Madaxda Maxkamada Danbiyada dagaalka Ee Hugea ma sheegin waqtiga Rasmiga ah ee ay bilaaban doonto Maxkamadeynta Saif al-Islam Gaddafi qadaafi oo dhawaan u gacan galay Kooxaha NTC oo wadankaasi kacdoon kaga tuuray hogaankii wadankaasi maamulayay Muddo dhan 42 sanno.

Kooxda laanqeyrta cas ee caalamiga ah ayaa booqatay Saif al-Islam Gaddafi oo u qiran Maamulka KMG ee wadanka Liibiya iyaga oo sheegay in xaaladiisa caafimaad aad u fiican tahay islamarkaasina uu muuqaalkiisu wanaagsan yahay.

Casiiso Muuse C/kariin
SBC International Monitoring