Gudoomiyaha Gobolka Banaadir Maxamud Nuur Tarsan ayaa digniin culus u diray dadka taga xeebaha magaalada Muqdisho, isagoo sheegay inaan maamulkiisu u dulqaadan doonin arimo uu ku macneeyey fusuq iyo fasahaad ay halkaasi ka wadaan dhalinayaro uu sheegay inay dalka dibadiisa ka yimaadeen kuwaasi oo uu ku eedeeyey inay dhaqan xumo badan ka yimaadaan xeebaha Muqdisho.

Qaylo dhaan ka soo yeertey Gudoomiye Tarsan ayuu ku muujiyey in arintan maamulkiisu aanu faraha ka laaban doonin, wuxuuna qiray in arimo aan ku wanaagsaneyn diinta Islaamka iyo dhaqanka Soomaaliyeed ay halkasi ka socdaan, waxaana uu inta badan eeda dusha uga tuuray qurbo joogta booqanaysa Muqdisho gaar ahaan dhalinyarada oo dhaqamada wadamadii ay ka yimaadeen sida Mareykanka & Yurub ay la tageen xeebaha Muqdisho gaar ahaan xeebta Liido, isagoo si carol eh u tibaaxay in arintaasi cid kasta oo lagu arko ciqaab adag lagu qaadi doono.

Link-ga hoose ka dhageyso qaylo dhaanta Gudoomiyaha Gobalka uu ka soo saarey dhaqan xumada ka oogan xeebaha Muqdisho.
HALKAN KA DHAGEYSO

SBC News Desk