Madaxweynaha Maamulka Soomaaliland ayaa ku dhawaaqay Gudi ka shaqeynaya Wada hadal dhexmara Maamulkaas iyo Dowlada FKMG ah ee Soomaaliya .

Axmed Maxamed Maxamuud Silaanyo madaxweynaha Maamulka Soomaaliland ayaa ku sheegay wareegto uu soo saaray in magacaabista Gudigani ay wado mar u yahay Go’aamada shirkii londan ka soo baxay.

Lama faah faahin waxyaabaha ay gudigani awooda u leeyihiin ay qabtaan inkastoo ay wareegtadu ku qeexan tahay u gogol xaarista Wada hadal dhexmara Maamulka Waqooyi galbeed Soomaaliya ee Soomaaliland iyo weliba DKMG ah ee Soomaalia ee uu horkacayo madaxweyne Shariif Sh Axmed.

Gudoga loomagacaabay howshan ayaa kuligood ka kooban wasiiro ku jira Maamulka Soomaaliland, kuwaasi oo ay kala yihiin
Wasiirka Arrimaha Dibedda, Dr. Maxamed Caabdullaahi Cumar
Wasiirka Arrimaha Gudaha, Maxamed Nuur Caraale (Duur)
Wasiirka Hawlaha Guud & Gaadiidka, Axmed Cabdi Xaabsade
Wasiirka Cadaallada & Garsoorka, Xuseen Axmed Caydiid iyo
Wasiirka Beeraha, Faarax Cilmi Maxamuud.

Arinkan ayaa noqonaya mid laga filankaro waxyaabo badan oo qofwalboo soomaali ah maankiisa galaya maadaama Maamulka la baxay Soomaaliland uu Intii sanado aheyd ee ugu dambeysay sheeganayay in uu yahay Maamul gaar ah oo ka go’an Soomaaliweyn.

 SBC INternational Monitoring