Odayaasha dhaqanka ee uu shirka ku aadan dastuurka ugaga soconayay magaalada Muqdisho Xarunta Dalka ayaa maanta ka amba baxay garoonka diyaaradaha ee magaaladaas.

Odayaashan oo dalka dibadiisa loogu qabanayo siminaaro ku aadan Kor u qaadista Aqoonta iyo Arimaha dastuurka ahna kuwa soo xuli lahaa 825 xubin oo ansixiya dastuurka la wado sameyntiisa ayaa waxaa maanta ka qaaday garoonka diyaaradaha ee Muqdisho Diyaarad Turkish ah iyagoo ku wajahan isla dalkaasi Turkiga.

Tirada Odayaashan u abma baxay dalkaasi Turkiga ayaa gaaraya 125 xubnood, waxaana maalmaha soo socda dalkaasi Turkiga lagu wadaa in uu ugaga furmo siminaar .

Qaar ka mid ah Odayaashan oo la hadlay SBC xili ay taagnaayeen Garoonka diyaaradaha inta aysan amba bixin ayaa waxay sheegeen in socdalkoodan uu yahay mid ay ku faraxsan yihiin islamarkaana ay u socdaan in ay howsha ay u xilsaaran yihiin sida ugu macquulsan u gutaan.

Wasiirka Wasarada Arimaha Gudaha iyo Amaanka Qaranka DKMG ah ee Soomaaliya C/samad Macalin Maxamuud sh Xasan oo ay wasaaradiisu ku mashquulsaneyd isku duba ridida qaadista odayaashan ayaa SBC U sheegay in odayashani loo wado magaalada Istambuul ee Dalkaasi Turkiga iyagoona soo indha indheyn doona xaaladaha dalkaasi iyo kala dambeynta si ay uga tusaalo qaataan .

Waxaa safarka odayaashan ay qeyb ka tagay Fulinta Go’aamadii heshiiska lagu gaaray ee ka soo baxay kulamadii Dalka Itoobiya .

C/qaadir Maxamed Cabdulle
SBC International Muqdisho.