Golaha  Deegaanka Degmada Boosaaso ayaa soo dhaweeyay Gudoonkii ay shalay  Doorteen Barlamaanka Soomalaiya  iyo Ku Xigeenadiisi

Waxay sheegen in arinkii shalay ka dhacay Muqdisho ee lagu doortay Gudoomiyah Barlamaan ka ay ahayd  guul u soo hoyatay Soomaali meel walba ay joogan  isla markaana ay tahay in ay u muuqato  ama ay tahay Biloowgii midnimo qaran ee soomaali ay weeyday 21 sano ka hor

Bootaan Axmed Bootaan ayaa ka mid ahaa Mudanayaasha Golah deegaanka ee arinkan soo dhaweeyay isagoo sheegay in si aan la koobi Karin ay ugu faraxsan yihiin una hanbalyeenayaan Proff Maxamed Cismaan Jawaari iyo ku xigeenadiisa isla markaana ay uga fadhiyaan in soomaali ay guul u horseedan.

Sidoo kale waxaa ka mid ahaa Xildhibaanada Golaha deeganka Boosaaso ee iyana  soo dhaweeyay  Gudoonka la Doortay iyo Ku xigeenadiisa Fowsiyo Maxamed Axmed ( fawsiyo Caluula ) oo iyana sheegtay in wax lagu farxo ay tahay in soomaali ay isku tashato ,shalayna ay u ahayd soomaali guul biloowgeed lagana doonaayo Proff Jawaari  in uu soomaali aayaheeda ka taliyo lagana Dhowraaayo madaama uu yahay Aqoon yahan Soomalaiyeed Xilal Ka soo qabtay Dowladiih Hore ee Soomaray Soomaaliya.

Shalay Galinkii danbe  ayey ahayd markii  la doortay Gudoonka Baarlamanka Soomaaliya  Ku Xigeenadiisa iyadoona dhamaan Soomaalidu meel walba ay joogaan ay soo dhaweeyen arikaa Sheegena in ay tahay Guushii ugu horaysay ee soomaali u soo hoyatay  iyadoona noqonaysa  in Dorasho  caynakan oo kala mudo 40 sano kaban  ay soomaaliya ka qabsoonto.

Axmed Nuune
SBC International Boosaaso