Gen C/laahi Siciid Samatar oo horey u shaaciyay inuu yahay Musharax u taagan Xilka Madaxtinimada Puntland ayaa manta Siweyn loogu soo dhaweeyay Magaalada Boosaaso waxaana Siyaaasiga garoonka ku soo dhaweeyay Cuqaal Waxgarad Isimo Qeybaha Bulshada iyo Masuuliyiin ka tirsan Maamulka.

Siyaasi C/laaahi Siciid Samatar oo sheegay inuu yahay Musharax doonaya in Doorashadu Dhacdo January 2013 ayaa waxaa uu sheegay Markii u soo gaaray Hoygiisa Magaalada Boosaaso in Dowlada Xilligan ee Puntland looga Baahan yahay inay ka soo baxdo Balanqaadkii ahaa inay Afar sanno Dalka Hogaaamineyso isaga oo siweyn uga soo horjestay Mudda Sannadka ah ee Golayaasha Dowlada Loo kordhiyay.

Gen Samatar waxaa uu sheegay In isagu aanu ahayn Qof doonaya In mashaakil ka dhaco Gudaha Deegaanada Puntland laaakiin waxaa uu sheegay in Ay ku taagan yihiin isaga iyo siyaaasiyiinta la fikirka ah in Doorasho Puntland ka dhacdo Bisha Soo socota 8-deeda.

C/laahi Saciid Samatar oo wax laga weydiiyay sida uu u arko Xisbiyo Maalmihii ugu danbeyay ay sameysaneyeen Shacabka Puntland ayaa waxaa uu sheegey inay yihiin xisbiyo Magac u yaaal ah oo ka ag dhow Masuuliyiinta Puntland.

“Xisbiyo Magac u yaal ah kuma biirayo xisbigaan hada la dhisay (Horseed) anigu ragii soomaaliya Xisbiyada ka qeybgalay baan ahay kii hanti wadaaga xitaa uma dhisneyn waa ka xoog badan yahay marka la yiraahdo Dowlada oo dhan Macaa askari macaa governatore ninwalbaa galaya wax aduunka la arkay oo la maqlay mahan, kuwa hada la magacabayna waxaan qabnaa inay yihiin kuwo ka agdhow cida xilka haysa dadka dhana waa ogsoon yihiin marka iyaga waxaan leeyahay Xisbiyada dadka ha lu goynina kuwa wax magacaabanaya”

Mr Samatar ayaa waxaa Uu sidoo kale wariyaasha uga jawaabay Xalka Keliya ee ay iskugu imaan karaan siyaaasiyiinta Mucaaaradka ah iyo Dowlada C/raxmaaan Sheekh Maxamed waxaana uu taas sheegay inay tahay in Doorasho dhacdo Bisha January 2013.

Imaansha Samatar ee Boosaaso waxay Imaaaneysaa Xilli Maamulka Puntland ee Xilligan uu sheegay inay Soo dhaweynayaan Mucaaradka ka soo horjeeda ee aan Amaanka wax u dhimeyn iyo xilli Xisbiyo lagaga Dhawaaqay Magaalooyinka qaar ee Puntland.

Link-ga audio-ha hoose ka dhageyso shir jaraa’id ee saxaafada uu u qabtey Gen. Samatar iyo waliba su’aalo kala duwan oo ay waydiiyeen warfidiyeenka.HALKAN KA DHAGEYSO


SBC International Monitoring