Madaxweyne ku xigeenka Dawladda Puntland Eng. Cabdixakiin Cabdullaahi Cumar Camey ayaa maanta oo ay taariikhdu tahay 10-6-2015 aqalka madaxtooyada dawladda Puntland ee Garoowe kullan kula qaatay agaasimayaasha Wasaaradaha Puntland ee xiriirka la leh Barnaamijka horumarinta degmooyinka Puntland ee JPLG.

Kullanka oo muddo kooban socday ayaa Madaxweyne ku xigeenka Dawladda Puntland Eng. Camey waxaa uu warbixino la xiriira waxqabadka sanadkii tagey ee mashruucaa ka dhageystay agaasimayaasha Wasaaradaha ee ka qeyb-galay shirka.

Qorshe howleedka saddexda bilood ee soo socda ayaa sidookale lagu falanqeeyey shirka, iyadoona laysku raacay in waxbadan oo horumar ah laga gaaray ka faa’iideysiga Barnaamijka horumarinta degmooyinka Puntland ee JPLG.

Gebagebadii kullanka ayaa gudi loo saaray nidaamka qandaraas bixinta dawladda dhexe iyo dawladda hoose, si nidaam wanaagsan oo ay dadku u jeedaan lagu bixiyo canshuuraha si simana looga hirgeliyo dalka hay’aduhuna dardar-geliyaan shaqadooda.

Daawo sawiradda:

 

IMG_8375 IMG_8380 IMG_8383 IMG_8390 IMG_8395