Waxaa maanta markii u horeysay magaalada Qardho laga furay Cusbitaalkii u horeeyay o si khaas ah loo leeyahay waxana loogu wanqalay Balsan Clinic Center .
 
Xafladii furitaanka ayaa waxaa ka soo qaybgalay masuuliyiin ka tirsan maamulka Cusbitalka qaybaha kala duwan ee bulshada Maamulka iyo Dhqaatiirka ka hawl galaysa Cusbitalka oo u dhashay wadanka kajakiztan  waxana cusbitalka yaala qalab casri ah oo loogu tala galay in bukaanka lagu daweeyo .
 
Ugu horeyn qadar quraan akhris ah kadib waxaa hadalka la siiyay maamulaha Cusbitalka Balsan Ahmed Nuur Sheekh waxana uu ugu horeyn ka warbixiyay xaaladihii ay ka soo mareen furitaanka cusbitalka waxana uu sheegay in hawshiisa lagu guda jiray mudo gaaraysay 3 sano  waxana uu sheegay in maanta ay tahay maalin wayn oo ku beegan furitaanka Balsan Clinic Center.Maamulaha oo hadalkiisa sii wata ayaa sheegay in lacagta ku baxday dhismaha guriga cusbitalka ay tahay lacag gaaraysa 620 000 $ iyadoo lacagtaas aysan ku jirin kharashka qaybta caafimaadka .
 
Maamulaha ayaa carabka ku adkeeyay in dhaqaatiirta ka hawl galaysa ay yihiin dhaqaatiir u dhashay wadama shisheeye gaar ahaan wadanka kajakiztan waxana uu sheegay in dhaqaatiirta qaarkood ay haystaan khibrad shaqo oo gaaraysa ku dhowaad 20 sano oo ay ku soo jireen hawlaha caafimaadka .
 
Xoghayaha dawlada hoose ee Qardho oo si toos ah xariga uga jiray Cusbitalka ayaa sheegay in qardho ay u baahnayd cusbitalka si khaas ah loo leeyahay oo laga bfuro iyadoo wax wayn uu kabadali doono baahidii caafimaadka ee dadku ay u aadi jireen dlka dibadiisa .
 
sayfulaah Sayidulaah oo ka mid ah dhaqaatiirka Cusbitalka ayaa sheegay in uu aad ugu farax sanyahay hawlaha caafimaad ee ay u qabanayaan bulshada qaybaheeda kaladuwan waxana uu sheegay in hawshan ay siwayn u qaban doonaan kana shaqayn doonaan in bulshadu hesho adeeg caafimaad o dhamaystiran .
 
Nabadoon Maxe’d Aadan oo kamid ah  waxgaradka magaalada Qardho oo ka hadlay  furitaan xaflada ayaa sheegay in ay tahay wax siwayn loogu farxo furitaanka cusbitalka waxna uu sheegay in cusbitalka oo wax wayn u soo kordhiyay bilicda iyo tayaynta caafimaadka magaalada waxana uu xusay in 2 goor uu hawlo caafimaad u aaday dalka Kenya .
 
Balsan Clinic Center waa cusbitalkii u horeeyay oo si khaas ah loo leeyahay oo laga furo magaalada Qardho waxana cusbitalka yaala qalab casri ah oo lagu baarayo qofka iyo xanuunka haya waxana ka hawlgalay dhaqaatiir muslim oo khibrad caafimaad oo mudo gaaraysa leh waxana bulshadu ay aad ugu hambalyeeyeen cid walba oo iska leh furitaanka Cusbitalka.
 
Sawiro