Al-Shabaab oo ku bixinaya xogta Obama & Hilary Clinton Geel & digaag(DHAGEYSO)

Iyadoo dawlada Mareykanka ay todobaadkan ku dhawaaqdey in ay ku bixinayso malaayiin doolarka Mareykanka dilka iyo soo qabashada hogaamiyasha sar sar ee xarakada Al-Shabaab ayaa arintaais waxaa caksigeeda abaalmarin ku dhawaaqay kooxda Shabaabka.

Website ku hadla afka xarakada Al-Shabaab ayaa sheegay in Al-Shabaab ay ku yabooheen bixinta 10 neef oo geel ah oo ay siinayaan sida ay sheegeen qof kasta oo u soo gudbiya halka ay uu ku sugan yahay Madaxweynaha Mareykanka Barack Obama, iyagoo sidoo kale 10 digaagad iyo 10 diiq siinaya qofkii u soo gudbiya xogta xogta xoghayaha arimaha dibada Mareykanka Hillary Clinton.

Warbixin cod ah oo lagu baahiyey website-kaasi ku hadla afkaarta Shabaabka uuna duubay Sheekh Fu’aad Maxamed Khalaf oo ka mid ah saraakiisha Shabaabka ee Mareykanku madaxooda malaayiinta doolar dul dhigay ayaa sheegay in cid kasta oo u soo gudbisa xogta Barack Obama oo uu ugu yeeray shaydaan & Hillary Clinton ay siinayaan abaalmarinta kor ku xusan.

Warkan ka soo baxay Fu’aad Khalaf ayaa ku soo aadaya iyadoo madaxiisa 5 milyan oo doolar oo ay dulsaartey waaxda amuuraha dibada Mareykanka oo dhaqaalahaasi sheegtey inay siinayso cidii soo gudbisa macluumadka sarkaalkan u qaabilsan Al-Shabaab arimaha dacwada iyo dhaqaale ururinta.

Neefka geela ah wuxuu xiligan Soomaaliya ka jooga 700 oo doolar taasi macnaheedu waxay tahay in 7 kun oo doolar Shabaabku saareen madaxa Barack Obama, halka digaaga la dul dhigay madaxa Hilary Clinton uu ku kacayo in ka yar 50 doolar.

Hadalkan ka soo baxay dhaqdhaqaaqa Al-Shabaab waxaa 24-kii saac ee la soo dhaafay si weyn u hadal hayey saxaafada wadanka Mareykanka, iyadoo Telefishinka caanka ah ee CNN uu ka mid yahay warbaahinta Mareykanka ee  sida weyn u hadal haysa warkan ka soo baxay Shabaabka.

Link-ga audio hoose ka dhageyso hadalka Sheekh Fu’aad Maxamed Khalaf oo Geel & Digaag dul dhigay madaxa Obama & Mrs Clinton.
HALKAN RIIX

SBC News Desk

One Response to Al-Shabaab oo ku bixinaya xogta Obama & Hilary Clinton Geel & digaag(DHAGEYSO)

  1. Dhaman hallan waxan kasalamay umad musulimka

Leave a Reply

Your email address will not be published. Required fields are marked *

You may use these HTML tags and attributes: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>

ARTICLE TOOLS
Share to Facebook Share to Twitter Email to friend Print